Autor: aprendeatravesdelsurfing

Publicado en

A INICIATIVA “PLAYA PALLET” CHEGA A RAZO-BALDAIO

O verán de 2026 será o primeiro no cal os areais de Razo-Baldaio contarán con 4 colectores exclusivamente adicados a recoller o refugallo que ven do mar, grazas ó Concello de Carballo.

Construidos a partir de pallets reciclados de madeira, serán confeccionados no centro especial de emprego “Aspaber”, contarán no seu interior cunha rede de pesca (tamén reciclada) cosida pola Asociación de Redeiras “O Fieital”, impulsados pola comunidade do proxecto deportivo-educativo Aprende a través del surfing, estarán incluidos dentro do programa de actividades Eu quero Razo-Baldaio e apadriñados polas escolas de surf locais: Boaola, Raz Surfcamp, Paua surf e Art Surfcamp.

A iniciativa, desenvolta orixinalmente por Clean Ocean Project na illa de Fuerteventura, recolle de media 1 tonelada de lixo ó ano por cada “playa pallet” instalado. Para máis información podedes consultar a súa páxina web: www.playapallet.org

“Playa Pallet” chega a Razo-Baldaio da man do proxecto Aprende a través do surfing, á colaboración entre as asociacións sen ánimo de lucro Clean Ocean Project (Fuerteventura) e Surf and Clean (Costa da Morte) e ó apoio do Concello de Carballo.

A iniciativa vai estar operativa durante todo o ano —> ¡¡Colabora coa mesma e forma parte do cambio!!

Publicado en

RESULTADOS 2022

Partillamos unha infografía que amosa os resultados xerais do curso 2021-22.

Resultados 2022

O noso agradecemento a tódalas entidades públicas e privadas que o fan posible:

Públicas: Deputación da Coruña, Diputación de Cádiz, Gobierno de la Región de Murcia, Consell Insular de Menorca

Concellos: Bornos, Arcos de la Frontera, A Laracha, Carballo, Malpica de Bergantiños, Ponteceso, Cabana de Bergantiños, Laxe, Vimianzo, Zas, Camariñas, Coristanco, Ferrol, Valdoviño, Gijón, Mazarrón.

Privadas: Ecovidrio, Natracare, MSC Pesca Sostenible, Menorca Preservation Fund, Ocean52 e Laken.

Publicado en

Deputación da Coruña promove a cultura do surfing.

Dende Aprende a través do Surfing imos presentarvos ás entidades que apoian o proxecto e que o fan posible. Hoxe vos presentamos á Deputación da Coruña.

Atopase na vontade deste organismo público a promoción da cultura do surfing entre os habitantes das súas costas, pois son zonas privilexiadas para a súa práctica.

En palabras do seu Vicepresidente Xosé Regueira: “Todo o mundo ve normal que o alumnado que vive xunto ás montañas saiba esquiar, buscamos ca practica do surfing se poida normalizar de igual maneira nas nosas costas”

Ademais esta práctica ancestral conta con modalidades para tódalas persoas e aporta moitos valores ós seus practicantes e a sociedade en xeral como: a preservación da contorna, inclusión, igualdade, socorrismo…etc.

Tratase tamén dunha boa oportunidade para fixar poboación no medio rural galego, tan ameazado pola despoboación e representa unha firme opción de desenvolvemento económico.

Dende a Deputación apostase pola creación de Reservas Locais de Surfing que axudarán a protexer a costa e farán que as persoas entendan mellor o gran valor que supoñen as ondas e o mar. Tamén aspirase a declarar a zona da Costa da Morte “Reserva Mundial de Surfing” e aínda que sexa este un difícil e longo camiño traballan para crear unha comunidade capaz de acadar dito obxectivo.